Алматы облысында газдандыру жұмыстары кеңейтілуде: 2024–2025 жылдарға арналған жаңа жобалар
2024 жылы Алматы облысында шамамен 27 мың адам тұратын 10 елді мекенге газ тарту жоспарлануда. Бұл өңірдің газдандыру деңгейін 77%-ға жеткізуге мүмкіндік береді. Энергетика министрлігі бұл мақсатқа 9,3 млрд теңге бөлуді көздеп отыр.
2025 жылдың бекітілген бюджетінде Талғар ауданының Дәулет ауылын газдандыруға 250 млн теңге қарастырылған.
Сонымен қатар, Алматы облысының әкімдігі қосымша 30,2 млрд теңге көлемінде қаржыландыруға өтінім берді. Бұл қаражат келесі жобаларды жүзеге асыруға бағытталады:
- «Шелек–Кеген–Нарынқол» магистральдық газ құбырын салу (14,9 млрд теңге);
- Нұрлы, Масақ, Дихан, Сатай, Талдыбұлақ, Қаражота, Қорам, Лавар, Қаратұрық, Достық, Қарасай, Қаракемер (Еңбекшіқазақ ауданы), Береке (Балқаш ауданы), Дәулет (Талғар ауданы) ауылдарын газдандыру;
- Қонаев қаласының №19, №20, Арна, Спутник, Рауан шағын аудандарында ішкі кварталдық газ құбырларын салу;
- «Алматы–Байсерке–Талғар» магистральдық газ құбырын 59,22–61,73 км аралығында көшіру (Талғар ауданы).
Алайда республикалық бюджеттің шектеулігін ескере отырып, бұл жобаларды жүзеге асыру үшін бюджеттен тыс қаржы көздерін тарту мүмкіндігі қарастырылуда.
Дереккөз: inform.kz