Қараңғы режим:
Қонаев қаласында жұмысшы жастар арасында шағын футболдан «Sport Time» облыстық турнирі мәресіне жетті. Дүбірлі додаға өңірдегі мекемелерде еңбек етіп жүрген жас мамандар қатысты. Тартысты өткен доданың нәтижесі бойынша Қонаев қаласының құрамасы жеңімпаз атанды. Екінші орынды «Алатау жарық компаниясы» еншілесе, үздік үштікті Еңбекшіқазақ ауданының командасы түйіндеді. Турнирдің жалпы жүлде қоры 600 000 теңге. Ұйымдастырушылардың айтуынша, мұндай шаралар жұмысшы жастардың белсенділігін арттырып, ұжымаралық байланысты нығайтуға септігін тигізеді.
