Мемлекет басшысы елдің қорғаныс қабілетін нығайту жөнінде тапсырмалар берді
Президент Қасым-Жомарт Тоқаев Қаржы министрі Айдос Мырзахметовпен кездесу өткізді. Кездесу барысында Мемлекет басшысы елдің қорғаныс қабілетін нығайту, Қазақстан Республикасының Қарулы күштерінің жауынгерлік әлеуетін арттыру және әскери басқару жүйесін жетілдіру жөнінде бірқатар міндеттерді айқындады. Әскери қызмет қауіпсіздігіне де ерекше назар аударылды. Президент әскери қызметшілердің өмірі мен денсаулығын сақтау барлық деңгейдегі басшылар үшін сөзсіз басымдық болуы тиіс екенін атап өтті.
Сонымен қатар, әскери қызметшілердің кәсіби даярлық сапасын арттыру, заманауи әскери техника мен қару-жарақты дамыту, озық технологиялар мен цифрлық шешімдерді енгізу жөнінде тапсырмалар берілді. Мемлекет басшысы әскери қызметшілердің бойында жоғары жауапкершілік, тәртіп пен Отанға деген адалдықты қалыптастыруға бағытталған тәрбие жұмысының маңыздылығын атап өтті. Бұдан бөлек, кездесуде әскери қызметшілер мен олардың отбасы мүшелерін әлеуметтік қолдау мәселесі де сөз болды, деп хабарлайды Президенттің ресми сайты.
