Анталия дипломатиялық форумы

Мемлекет басшысы Қасым-Жомарт Тоқаев Түркия Президенті Режеп Тайып Ердоғанның шақыруымен Анталия дипломатиялық форумына қатысты.

Форум барысында Президент қазіргі геосаяси ахуалдың күрделенуі жағдайында  қауіпсіздік пен тұрақтылықты қамтамасыз етудегі халықаралық ынтымақтастықтың маңызын атап өтті. Қасым-Жомарт Тоқаев өз сөзінде Біріккен Ұлттар Ұйымын реформалау қажеттігіне ерекше назар аударды. Оның айтуынша, ұйым қызметін жаңғырту аса маңызды. Сонымен қатар, бұл үдерісте дамушы елдердің мүддесі ескерілуі тиіс екенін жеткізді. Анталия дипломатиялық форумы – әлемдік саясаткерлер мен сарапшылар бас қосатын беделді халықаралық алаң. Сапар аясында бірқатар екіжақты кездесулер өткізілмек.