ЕРЛІК ҰЛЫҚТАЛҒАН САЛТАНАТТЫ ШАРА
Қонаевта Отан қорғаушылар күніне орай салтанатты жиын өтті. Алматы облысы әкімінің бірінші орынбасары Қанат Есболатов № 58-012 әскери бөлімде барып инженерлік техникамен танысты. Әрі саперлердің қауіпсіздікті қамтамасыз етудегі сондай ақ төтенше жағдайлардың салдарын жоюдағы ерен еңбектерін жоғары бағалады.
ҚАНАТ ТӘҢІРБЕРГЕНОВ 58012 ӘСКЕРИ БӨЛІМІНІҢ КОМАНДИРІ
Біздің армия уақыт өте келе "ілеседі". Техника мен инженерлік жабдықтар жүйелі түрде жаңартылып отырады. Яғни, технологиялар мен қолданылатын құралдардың дамуымен талаптар да өзгереді. Бүгінде сапер бригадалары төтенше жағдайлардың салдарын жоюға, қауіпті объектілерді залалсыздандыруға және қираған құрылыстарды қалпына келтіруге қатысады./
Осыданк кейін мерекелік шаралар легі қалалық мәдениет сарайында жалғасты. Алматы облысы әкімінің орынбасары Ғани Майлыбаев облыс әкімінің атынан әскери және құқық қорғау органдары қызметшілерді, сондай ақ сала ардагерлерін құттықтады. Салтанатты шара барысында міндетін абыроймен атқарып жүрген бірқатар қызметкерлер алғыс хаттар және құрмет грамотасымен марапатталды.
ҒАНИ МАЙЛЫБАЕВ
АЛМАТЫ ОБЛЫСЫ ӘКІМІНІҢ ОРЫНБАСАРЫ
Отан қорғаушылар күні-бұл тек әскери қызметшілердің ғана емес, сонымен қатар елдің қауіпсіздігі мен қоғамдық тәртіпті қамтамасыз етуге тартылған барлық азаматтардың мерекесі. Сіздерді Отан қорғаушылар күнімен құттықтаймын! Сізге зор денсаулық, бейбітшілік пен амандық тілеймін!
ЕРНҰР КӨШПАЕВ ӘСКЕРИ БӨЛІМІ КОМАНДИРІНІҢ ОРЫНБАСАРЫ 32363
Алматы облысы әкімінің атынан Құрмет грамотасын алдым. Біз үшін бұл мереке өте маңызды. Біз әрқашан елімізге қызмет етуге дайынбыз!
Бүгінде Алматы облысында жастарға әскери-патриоттық тәрбие беруге ерекше назар аударылуда. Жыл сайын үш жарым мыңнан астам жас сарбаз жедел қызметтерге тартылады. Сонымен қатар, "Жас сарбаз" қозғалысы аясында аймақ мектептерінде үш мыңнан астам оқушы әскери-патриоттық сыныптар мен клубтарда тәлім алып жүр.
