Мәртебелі Алатау

Мемлекет басшысы Қасым-Жомарт Тоқаев «Алатау қаласының арнаулы құқықтық режимі туралы» Қазақстан Республикасының Конституциялық заңына қол қойды.

Конституциялық заңның негізгі мақсаты – Алатау қаласының қарқынды әрі орнықты дамуына қолайлы жағдай жасау. Құжатқа сәйкес, қаланы мемлекеттік басқарудың жаңа моделі енгізіледі. Атап айтқанда, кәсіпкерлік, кеден ісі, цифрлық активтер, әлеуметтік сала, қаржы нарығы, экология, мәдениет, спорт және өзге де бағыттарды реттеудің негізгі қағидалары айқындалған.